ဢွၼ်ၵၼ်မႃးႁူႉၸၵ်းမၢၵ်ႇမႆႉဢၼ်ၸၢင်ႈၸွႆႈႁႂ်ႈတူဝ်ၶိင်း ႁၢင်ႇယၢၼ်သၢၼ်ၵွင်ႉဢၼ်ၸၢင်ႈ ပဵၼ် ၽေး တေႃႇတူဝ် ၵူၼ်း။
ယွၼ်ႉၵၢပ်ႈပၢၼ်ဝၢၼ်ႈမိူင်းၶိုၼ်ႈယႂ်ႇလႄႈ ၵူႈလွင်ႈလွင်ႈပၢႆးၽုၵ်ႇသွမ်ႈဢၼ်ၽုၵ်ႇဢွၵ်ႇၽၵ်း၊ ၶဝ်ႈတၢင်းၵိၼ်ဢၼ် ႁဝ်းၸႂ်ႉတိုဝ်းၵိၼ်သၢင်ႈယူႇၵူႈဝၼ်းၼႆႉ ယွၼ်ႉသၢၼ်ၶေႊမီႊဢၼ်ပႃးမႃးၸွမ်းတၢင်းၵိၼ်ၼၼ်ႉ ၵေႃႈယဵၼ်း ပဵၼ် ၵွင်ႉၵေႃႇတွမ်(သႃႇသူမ်)ဝႆႉၼႂ်းတူဝ်ၶိင်းသေ ႁိုင်မႃးၸၢင်ႈပဵၼ်ၽွၼ်းႁၢႆႉယႂ်ႇ လူင်ထိုင်ဢႃယုသၢႆၸႂ်ၵေႃႈပဵၼ်လႆႈ။ တႃႇတေႁၢင်ႈၵႆ ၵွင်ႉၸိူဝ်းၼႆႉလႆႈၼၼ်ႉ မၢၵ်ႇမႆႉမၢင်ၸိူဝ်းၵေႃႈမီးသၢၼ်ဢၼ် ၸွႆႈလၢင်ႉၵွင်ႉ ၼႂ်းတူဝ်ၶိင်းႁဝ်းဢွၵ်ႇ လႆႈမိူၼ်ၵၼ်။
ယွၼ်ႉၼၼ် လႄႈ
ထုၵ်ႇလီႁူႉၸၵ်းမၢၵ်ႇမႆႉလၢႆလၢႆမဵဝ်းဢၼ်တေၸွႆႈလၢင်ႉၵွင်ႉၼႂ်းတူဝ်ၶိင်းႁဝ်းဢွၵ်ႇၼၼ်ႉယူႇ။ ၼႂ်းမၢၵ်ႇမႆႉလၢင်ႉၵွင်ႉၼၼ်ႉ (1) မၢၵ်ႇၵႅမ်ႈၶွင်ႇ(ဢႅပ်းပိူၼ်ႉ)၊ (2)မၢၵ်ႇၵဵင်၊ (3) မၢၵ်ႇသွႆႈ၊ (4)မၢၵ်ႇသၢင်းၽေႃး၊ (5) မၢၵ်ႇမူင်ႈ၊ (6) တႅင်ၸမ်ႇပူႇၸိူဝ်းၼႆႉယဝ်ႉ။
သင်ပဵၼ်လႆႈၸိုင်ၼႂ်းၼိုင်ႈဝၼ်းၼၼ်ႉ လိူၵ်ႈၵိၼ်ပၼ်မၢၵ်ႇမႆႉၸိူဝ်းလၢတ်ႈမႃးပႃႈၼိူဝ်ၼႆႉ ၼိုင်ႈဝၼ်းၼိုင်ႈမဵဝ်း ၵေႃႈတေလီတေႃႇပၢႆးယူႇလီ လႄႈမီးႁႅင်းၵႅၼ်ႇၶႅင်ယူႇယဝ်ႉ။
Source : http:// Shan Youth Power
0 comments:
Post a Comment